Dat Rheeße Potpurri Jänsken satt in´n Schosteenn un wichsen siene Schoh, un wichsen siene Schoh. Do quam son proper Meiken un dat sach so: Jänsken wenn dou freijen wis, dann freije dou met mei... ick häb son blanken Daaler, de is dann ok för dej! Dat soh ick nich, dat doh ick nich, ick häv den Foot kapott! Moor Salve drup, moor Salve drup! Dann wöt denn Foot wal good! Moder gooh non Schosteen, door hankt de lange Woste. Hal mej mor de Lange, de Kotte lot mor hange. Moder, Moder, kene will mej freijen. Moder, Moder kene wörd min Mann. Dou häs nix dran, dou kriegs nix dran. Wej fürt no met de Isenbahn. Palm, Palm Soundag, öwer eenen Soundag. Dann kriege wej´n Ei, dann kriege wej´n Ei. Dann kriege wej´n dick Poßei. Pooßen, Pooßen si so kolt, gäw uns doch´n Stücksken Holt. Büsken minder ow mehr, lot uns doch in Gottes Ehr. Lot uns nich so lange stohn, wej wollt noch´n Hüsken wieder gohn. Häb ej noch´n bättken för´t Poßfür. Pingsterbrut is ubbestohn, woll noch wär no Bedde gohn. Een Ei dat batt uns nich, twee Eier schaadt uns nich. Fifundtwentig up den Diss, dann wett de Brut dat Pikstern is. Sapp, Sapp Siepholt, wanner büs dou riepe? In denn Mai, in denn Mai wann alle Vögelkes läkt´n Ei. Wann´t Karmisse is, wann´t Karmisse is dann schlacht min Vader ne Buck. Wann´t Owend is, wann´t Owend is dann is denn Buck all up. Alle Burnblagen, scheet met de Kopp in´n Grawen. Scheet met de Kopp in´n Hosterpott, alle Burnblagen. Sophie, Sophie, Sophie häw dor Water inne doohn. Ick häb öhr met de Teuete an de Pumpe sehn stohn. Dat schadt dej nich, dat schadt dej nich, dou söss datt Suppen loten. In dat düstere Kämmerken, dor haut se sik mett Hämmerken. Dor haut se sik met de Panne vört Gatt, oh Bur wat klappert dat. Hopsa kallinkeken, träk es an dat Lineken, träk es an dat Teu, dat de Weeg sall gohn. Eia, popeja, schlot de Hönerkes dot un kriegse in´t Pöttken dann wärst se nich grood. Bim Bam beier, n Küster mag kin Eier. Wat mag he dann? Speck in de Pann! Oh wat ne leckeren Küster dann. Ringele, rangele Rose, Botter in de Dose, Schmolt in den Kasten, morgen will wej fasten. Öwermorgen Lämken schlachten, dat sall säggen Bääähhh.