De ahnungsvulle Lehrjung Up Posken kem Jupp in de Lehr . Up Pingsterdag was he dor wär. De Vader rep in grote Wut: "Wat is mät di, wi sühs du ut?" Jupp säg : "No schloh mi oder schänn, Son Meister goh ick nich wär hän. Erst lag't Kanin kapott in't Schott, de Meister däh dat Flees in Pott. He schäl'n dat Dier ut denn Beus harut. "Dat Flees süht doch ganz god noch ut. Wat hier in't Hus us geht kapott, dat ät wie allemole up." Un, dütt, dat is denn twedden Fall.-- De Zägge lag't kapott in Stall. "Dat Dier krepiern, wat sallt, allen, well arm is, is noch so besehn." So säg de Meister ok "du Jupp ätts dienen Teller reine up." En ni'et Unglück troff us wär. De olle Oma läwt nich mehr. Se ging van Nacht to Ewigkeit... No bün ik rächtitig aff e maiht".