De Verwandtenplage! Ick segge ümmer, wenn völle Verwandten heff, denn is all genug bestroft. Verwandte de bünt wie de Quecken. Se tröt in Scharen up, se sugt sick vull, un man wöttse nich wer quitt. Wenn man da eene van um de Ecke bröch dann kummt drey neyn tum Vorschien. Bey uns in de Verwandtschaft is dat so, Tante Erna dat is de Frau von Onkel Jo. Dat is denn Boß van de ganze Sippe. Dat is so quasi de Oberhippe. De quasselt, subbelt un schättert un lüg, dat ör Gebit dorbey in Stücke flüg. Up mine Hochtied had ick sewen Verwandten ineladen, twewnfiftig bünt ekommen, un no de Geschenke te räken is nümes dor ewest. Tante Erna un Onkel Jo de kemen all twee Wäke för dat Fest bey uns anmaschiert, met Sack un Pack un fiftien Blagen. De wassen noch kene Stunde dor, do hadden wy all keen Brot mehr in de Kaste un kene Woste mehr in de Fime. Tante Erna sagg ümmer: "Blagen frät´t, Blagen frät´t, et geht jo nich vant unse aff." Un up´n Festtagsmorgen, et was noch ganz froh, Tante Erna de kregg öhr Kosett nich to, se spektakeln dört Hus wie sone Feuersirene si rummeln de ganze Verwandtschaft byene, un Onkel Jo un alle fiftien Kadetten, mößen Tante Erna et Kosett antrecken. Tante Sofie, dat is genau sone Hippe, de schättern dört Hus wie sone Xantippe, de was met öhre Blagen ant verkloppen, de Lümmels hadden öhr de Luft ut de Körfkes eloten, die schöne Figur die war dahin. Un ne Luftpumpe had Tante Sofie nich bey. Do segg Onkel Anton: "Wat sall dat Genöhle, drey Atü was sowieso völlste Völle." Tante Erna öhrn Ölsten, denn dicken Willi, denn hat Krack mit Tante Cilli. Denn Frechdachs hat öhre Perücke verstoppt un Tante Cilli de stinn dor, "oben ohne" up´n Kopp. Do segg he ganz dröge, denn dicken Banauser: "Ick glöw, Tante Cilli, du büß in de Mauser." Onkel Fritz, denn dreff et aber wirklich dull, denn hat morgens üm Tien Ühr de Hacken all full. Do segg Tante Lea: "Schmitt denn Kerl in de Flöte, dann ligg he my nich mehr för de Föte." Dat was natürlich en Fest för de Blagen. "Jo Moder, dat söllt wy wall maken, wy söllt Vader wall in de Flöte stoppen dann lot wy de Flöte full Water lopen, dann wöd de Flöte in denn Kühlschrank estellt, wat mehnse, wat sick Vader dann lange höllt.?"