Arftensuppe Fifhundert Gramm gröne Arften, dreihundert Gramm Tuffeln, twee Wotteln, eene Stange Preij, een vierdel Stück Knollsellerie, twee Zippeln, een halven Teelöpel Majoran, een Lorbeerblatt eene Schiewe dörwassenen Späck, vier gerökerte Mättwosten een Ätlöpel scharpen Mostert, een Liter Gemösebrühe. De Arften öwwer Nacht in twee Liter Water inweeken. An denn nächsten Dach met dat Inweekwater upsetten un twee Stunde beij klein Füür köcheln loten. Zippeln, Preij, un Sellerie fiene hacken, Tuffeln schälln un klein würfeln un alles to de Arften gewwen. In de tüssentit denn Späck in Döbbelkes schnieden un de Schröfkes kross utbroden. De Käuter fiene hacken un de Mättwosten in nich te kleine Schiewen schnieden. Alles to de Suppe gewwen, met Salt Peper un Mostert pröwen un noch eenmol upkocken looten.