Wey Blagen ut et Darp! Wenn de Sommervögele flegt, wenn de Fleütepiepe geht, wenn de Schledurnshegge witt in Blomen steht, wenn dat Barkenzapp schmeck äs´se Wien so scharp, bo moy is et dann för de Blagen ut Darp! Wenn wey Bickbäsen söekt, of lossführt int Heuy, wenn wey Rogge no Hus halt, of höet unse Koj. No de Karmisse goht, in de Knippe all ne Mark, bo moy is et dann för de Blagen ut Darp! Wenn de Appeln un de Prumen un de Päern riepe bünt, wenn de Ekeln un Kastanien uns afschüett de Wind. Up de Kümpe, wöss wilden Braom un Raap, bo moy is et dann för de Blagen ut Darp! Wenn de Istappen hankt, un de Schlierbahne geht, un vöer jedes Hus, bold´n dod Pogge steht, wenn et Schmoltappels gewt, wey den Pott utschraapt, bo may is et dann för de Blagen ut Darp! Albert Bösing