Reiner Mako Bi Kapps, denn dicken Brüggenwirt, hat sick ne Jüngling inquatiert. He drunk un att, watt ene kann, un Kapps schräaw alles nätkes an. As he äm no de Räknung brägg, dor was de Kunde ok all wäg. „No is de Kerl mi stuwen gohn, ick könn mi vör de Blässe schlohn, wet sienen Namen nich, un nicks.“ Dor sägg dat Stowenmaiken fix: „Ick häb den Kirl sofort nich trut, ick häb ok sienen Namen rut, sien Underbucks an Bäddepost, de häw äm sien Geheimnis kost, ick säg mi, Dirne wäs gescheit, dor steht sien Nam‘ jao inneneiht, mät Reiner fing de Name an, Reiner Mako hätt de Mann.“