Erlkönig up Bokelts Plat Wenn führt dor so late dör Tangerdings Buss, et is denn Vader, he mutt no Hus. Dat Rad, dat krakt, so schwor et löpp, sinn Junge sitt vörne drupp un schlöpp. Up enmol wacht den Mitriggen up, he kick no vörn, un sägg en türken drupp: "Godomme, Vader kick es dor, ne fiesen Kerl, et is wahrhaftig wohr!" Denn Vader lurt no vörne un sägg: "Dor ligg bloß ne Bomwortel öwer den Weg. Holl di mor got faste an min Rad, sonst ligst du gliks noch up et Gatt". Un so trampelt he wiedder, denn Blage blärt, denn Vader dach, hack doch bloß dat Rad eschmert. Denn Weg is pappig as Modde un Teer, de Kette rasselt as en Maschinengewehr. Dor stött den Junge den Vader vörn Buck un segg: "Kieck es gau dor achter `n Struck. O, Vader,ick häb son Angst vör den Mann, glicks hew he uns noch an de Grepe dran. "Gau Vader, glicks wöd denn Kerl noch frech wej führt hier links dör denn Binnenweg". "Du dummen Blage häs ne Spleen, ick kann kinnen Kerl met ne Grepe sehn". "O, Vader, wie witt is et noch bis up de Chausee, mej döt van`t sitten de Kunte all weh?. "Noch twintig Minüten, dann bünt wej dor, verdreiht watt löpp dat Rad doch schwor". "O, Vader, dor is denn Kerl all wehr, wej kriegt glicks noch ne Balg vull Schmer". Dor piept et van achtern, dat Rad is platt, denn Vader häw sick verstuckt dat Gatt. Denn Junge ligg in de Modde un blärt un is van undern bis bowen beschmert. "O, Vader, denn Kerl häw my noch epackt un nu häw ick mej in de Buckse emakt". Hell schient de Mond öwer Tangerding's Buss, nu löpp denn Vader met et Rad no Huss. He hört noch, wie bowen en Vöggelken sünk, up sinnen Arm denn Junge stünk.