Anders kann´t nich Dat Jüpken bläw ganz min un krumm, in´n Kopp wast äm ok doof un dumm. Sien Vader sägg: "Wat sall he liern? Vielliecht kann he noch Schnieder wir`n". So käm mät Naodel he un Scheer bi Schnieder Nieher in de Lehr. Bi Nieher käm blos up de Diss, Kartuffeln un ne Heringsfiss, dorto des Dags en achtel Fett, schmächtig ging aobends alles int Bedd. Dat Jüpken hat in´n Fettpott mosst, no krägt blos Watersuppenkost. Ens Dages lag he vört Kruzifix un Bä´n: "O Här, ick kriege nicks, no hälp mi doch mit diener Macht, dat ick bi Niehers nich verschmacht". Plötzlich reep he: "Wie sühs du ut, o Här, di staoht de Rippen rut. so dünn de Arme un de Been, wie ick bi mi mutt sölver sehn. Up´n maol dor löcht äm in´n Verstand, he paök den Christus an de Hand: "Was du dann ok, oh leever Här, bi Schnieder Nieher in de Lehr?"